ჟუზეპე ვერდის 200 წლის საიუბილეო თარიღთან დაკავშირებით შესრულდა დიდი კომპოზიტორის მიერ ვიქტორ ჰიუგოს ნაწარმოების მოტივებზე შექმნილი ოპერა “რიგოლეტო”. პაატა ბურჭულაძის მოწვევით კონცერტში მონაწილეობისთვის თბილისში ჩამოვიდნენ აღიარებული ესპანელი ბარიტონი, რიგოლეტოს პარტიის ერთ-ერთი საუკეთესო შემსრულებელი ხუან ხესუს როდრიგესი და ვალენსიის თეატრის მუსიკალური ხელმძღვანელი და არენა დი ვერონას მიწვეული დირიჟორი ომერ მეირ ველბერი.



