ქველმოქმედება

ბედნიერ შობა-ახალ წელს გისურვებთ!

ფონდმა ” იავნანამ” საახალწლოდ ტრადიციულად თბილისში, ქარელში, სიღნაღში, გურჯაანში, ოზურგეთში, მარნეულში, წალენჯიხაში მცხოვრებ 18 ოჯახს დაურიგა საჩუქრები. სოციალურად დაუცველმა ოჯახებმა სახვადასხვა სახის დახმარება მიიღეს, მათ შორის საოჯახო ტექნიკა, საკვები პროდუქტები, სათამაშოები, ტკბილეული და აგრეთვე, ფინანსური გზავნილები.

ფონდმა “იავნანამ” უკრაინელ ბავშვებს უმასპინძლა

დიდი მადლობა თბილისის 70-ე სკოლის მოსწავლეებს გაწეული ქველმოქმედებისთვის!

საქველმოქმედო სპექტაკლით „ქეთო და კოტე“ შემოსული თანხა მათ ფონდ „იავნანასთან“ ერთად მრავალშვილიანი ოჯახის დასახმარებლად მიმართეს. ხუთშვილიანი დედის, ქალბატონი დოდო ბექაურის ოჯახისათვის საკვები პროდუქტები, ჰიგიენური ნივთები და ტკბილეული იქნა შეძენილი.

„იავნანას“ საშობაო აქცია მრავალშვილიანი ოჯახების დასახმარებლად!

დღეს „იავნანაში“  უსაყვარლესი ბავშვები გვეწვიენ, ბედნიერები ვართ, რომ  ფონდის მეგობრებთან ერთად შევძელით მათი საშობაო ოცნებების შესრულება არა მხოლოდ თბილისში, არამედ რეგიონებშიც. დიდი მადლობა – მამუკა ხაზარაძეს, ბადრი ჯაფარიძეს, ანიტა რაჭველიშვილს, ნატო მეტონიძეს, ნიკოლოზ რაჭველს, ლიზა ბაგრატიონს და იმ ადამიანებს, ვინც პირველივე დღიდან გვერდით უდგანან „იავნანას“ და ამჯერადაც, მიიღეს მონაწილეობა საქველმოქმედო აქციაში.

2022 წლის 16 დეკემბერს პაატა ბურჭულაძე #162-ე სკოლაში გამართულ ბავშვთა ნახატების გამოფენას დაესწრო.

ფონდ “იავნანას” და საქართველოში Yamahas წარმომადგენლობის საჩუქარი უკრაინელ ბავშვებს

ვლადი და კატერინა კორენები, ორი უნიჭიერესი ბავშვი ზაპოროჟიედან. ბებია, ბაბუა, უახლოესი ნათესავები და მეგობრების ნაწილი უკრაინაში დარჩათ და მშობლებთან ერთად ყოველ დილით შიშით იღვიძებენ, სანამ მათთვის ძვირფასი ადამიანების ამბავს შეიტყობენ. ფონდ “იავნანასთან” და კონცეპტArt-თან ერთად, გადავწყვიტეთ იმ უკრაინელ ბავშვებზე ვიზრუნოთ, ვისაც მუსიკა, ცეკვა და ზოგადად ხელოვნების რომელიმე მიმართულება აინტერესებთ. ამ დროისთვის 5 ასეთი ბავშვი გვყავს. […]

ფონდის ერთგულმა მეგობარმა ნატო მეტონიძემ 8 წლის ირაკლი ნარსიას ოცნება აუხდინა და მას წალენჯიხაში წითელი პულტიანი მანქანა და ტანსაცმელები გაუგზავნა. ირაკლის ოჯახს ასევე გაეწია ფინანსური დახმარებაც.

12 წლის მარიამი და 13 წლის ბარბარე ფონდის ოფისში გვესტუმრნენ და საჩუქრად მათი საოცნებო პლანშეტები გადავეცით.

ხათუნა 4 არასრულწლოვანი შვილის დედაა. ბავშვები სახლის გარემონტებაზე და ორსართულიან საწოლებზე ოცნებობდნენ.  ფონდმა ოჯახს ასევე,  შეუძინა ყველა  საჭირო მასალა, შპალერი და ხელსაბანი. სახლის გარემონტებაში ბავშვებიც დიდი ხალისით ჩაერთვნენ და პავლე ბურჯანაძის, დავით მეცხოვრიშვილის და მარია ვართანიანის  თანამონაწილეობით მათ  საახალწლოდ ლამაზი სახლი, ორსართულიანი საწოლები და უამრავი ტკბილეული მიიღეს.