მოსწავლე-ახალგაზრდობის ეროვნულ სასახლეში მოსწავლეთა 73-ე სასწავლო-შემოქმედებითი კონფერენცია გაიმართა, რომელიც ნოდარ დუმბაძის დაბადებიდან 90–ე წლისთავს მიეძღვნა. ტრადიციულ ყოველწლიურ კონფერენციაში საქართველოს მასშტაბით მოქმედი საჯარო, კერძო, სრული და არასრული სკოლების, გიმნაზიებისა და კოლეჯების VIII – XII კლასების მოსწავლეები მონაწილეობდნენ. „იავნანა“ მეხუთე წელია კონფერენციას პარტნიორობას უწევს,
11 მაისს ფონდის დამფუძნებელმა პაატა ბურჭულაძემ ქართული ლიტერატურის, მათემატიკისა და სამართალმცოდნეობის სექციაში გამარჯვებული მოსწავლეები პლანშეტური კომპიუტერებით დააჯილდოვა.