ფონდმა “იავნანამ” პანდემიის გამო საზღვარგარეთ ჩარჩენილი კიდევ 7 ქართველი სტუდენტი სამშობლოში დააბრუნა

პაატა ბურჭულაძე: “გილოცავთ ყველას! ქართველი სტუდენტების კიდევ ერთი ნაწილი ჩამოფრინდა! იყო ბევრი წინააღმდეგობა, მაგრამ საბედნიეროდ, ფონდმა „იავნანამ“ მეგობრების თანადგომით, მათი სამშობლოში დაბრუნება შეძლო! ვულოცავ მათ მშობლებსა და ბებია-ბაბუებს, წარმოიდგინეთ რა ნერვიულობა გადაიტანეს ამ ოჯახებმა.

ამჯერად, სამშობლოში დაბრუნდნენ: 1. ზაქარია დავრეშიძე, 2. მარიამ კასრაძე, 3. ვახტანგ ყიფიანი, 4. სალომე ჭოველიძე, 5.თამარ ბერიაშვილი, 6. დეა ხერგიანი, 7. ნიკა ორმოცაძე. მიხარია, რომ გავიცანი 19 წლის ნიჭითა და ენთუზიაზმით სავსე ახალგაზრდები.

მეგობრებო, სასწავლებლად წასული და პანდემიის გამო ჩარჩენილი კიდევ ძალიან ბევრი სტუდენტია, მათი შველა სასწრაფო და აუცილებელია!

ფონდ „იავნანას“ რაც შეეძლო გააკეთა, საერთო ჯამში 25 სტუდენტი დავაბრუნეთ. დიდი იმედი მაქვს, სახელმწიფო საკუთარ ვალდებულებად და პრიორიტეტად დაისახავს უცხოეთში ჩარჩენილი ახალგაზრდების პატრონობას და ჩამოყვანას. კრიტიკულ სიტუაციაში ფონდმა თავისი მაქსიმუმი გააკეთა. და რომ არა, ის სამარცხვინო მავნებლობა, რაც „იავნანას“ წინააღმდეგ ჩაიდინეს, ცხადია ბევრად მეტს შევძლებდით. ესეც მალე შეიცვლება, სიკეთის ძალა ბოროტებას ყოველთვის დაამარცხებს!

ჯანმრთლობას გისურვებთ ყველას!”

Free WordPress Themes, Free Android Games