სააღდგომო საქველმოქმედო აქცია
გაუნაწილე შენზე გაჭირვებულს…
ფონდი „იავნანა“ სააღდგომო აქციისთვის წარმოგიდგენთ ამონარიდს იმ ათი ოჯახის ყოფიდან, ვინც თხოვნის წერილებით მომართეს ფონდს ბოლო თვეებში. ყველაზე ხშირად ეს თხოვნები კვლავ საკვებ პროდუქტებს ეხება.
სოციალურ მუშაკებთან ერთად, ჩვენ შევეცადეთ შეგვერჩია ის ოჯახები, ვისთვისაც თითოეული თქვენგანის დახმარებას სასიცოცხლო მნიშვნელობა აქვს.
უდიდეს მადლობას გიხდით ყველა ჩვენს მეგობარს და გულშემატკივარს ერთგულების, ნდობისა და გვერდით დგომისთვის.
გადარიცხვის სათაურში მიუთითეთ რომელი ოჯახის დახმარება გსურთ (ჩაწერეთ ნომერი #).
ა.(ა)იპ საქველმოქმედო ფონდი „იავნანა“
სს „ვითიბი ბანკი ჯორჯია“
ბანკის კოდი: UGEBGE22
GE49VT6600000039163608(ლარის ანგარიში)
GE26VT6600000031313618 (დოლარის ანგარიში)
#1 სამი არასრულწლოვანი ბავშვი იზრდება ბებიასთან. ბავშვების მამა რამოდენიმე თვის წინ თრომბით გარდაიცვალა. 2 თვის წინ, ბავშვებს კრონის დაავადებით დედაც დაეღუპათ. იმავე პერიოდში ბებია და ბაბუა დაინფიცირდნენ კორონა ვირუსით, რის შედეგადაც ბაბუა გარდაიცვალა. 4, 6 და 8 წლის ბავშვები ამჟამად ბებიასთან იზრდებიან, მათთვის ყოველთვიური ფინანსური დახმარება სასიცოცხლოდ მნიშვნელოვანია.
#2 ეკატერინე სოციალურად დაუცველი მარტოხელა დედაა. მინიჭებული აქვს 1000 ქულა. ჰყავს 2 შვილი. ცხოვრობს უმძიმეს პირობებში საერთო საცხოვრებელში. ჯანმრთელობის პრობლემების გამო მუშაობას ვერ ახერხებს.
#3 ნათია მარტოხელა დედაა, მას 2 არასრულწლოვანი შვილი ჰყავს. უმცროსი დაბადებიდან ჩვილ ბავშვთა სახლში იზრდებოდა, თუმცა რეინტეგრაციისშემდეგ ბიოლოგიურ ოჯახში დაბრუნდა და ამ ეტაპზე ბავშვი დედასთან იზრდება. მამას სასამართლოს წესით დაკისრებული აქვს ალიმენტი 200 ლარის ოდენობით, რომელსაც არ იხდის. ოჯახს არ გააჩნია საკუთარი ბინა და ცხოვრობს ქირით.
#4 მარიამი 15 წლის არის. მის ორივე მშობელს ჯანმრთელობის პრობლემები აქვს. დედას განუვითარდა ანევრიზმა და დასჭირდა ქირურგიული ოპერაცია. ოჯახს ბინის გაყიდვა მოუწია და ამ ეტაპზე არ აქვთ სტაბილური თავშესაფარი და ცხოვრობენ ქირით.
#5 14 წლის ოთოს შშმ. პირის სტატუსი აქვს. დედის გარდაცვალების შემდეგ 8 წლიდან იზრდებოდა „ბავშვთა სოფელში“, რეინტეგრაციის პროგრამის შედეგად დაბრუნდა ოჯახში დეიდასთან. მას არ აქვს პერსონალური კომპიუტერი, რის გამოც ვერ ესწრება ონლაინ გაკვეთილებს.
#6 ინგა 2 შვილით მარტო დარჩა, უმცროსი მინდობით აღზრდაში იმყოფებოდა. ამჟამად, დედასთან ცხოვრობს. მათ არ აქვთ საკუთარი ბინა. დროებით ცხოვრობენ საპატრიარქოს თავშესაფარში. ოჯახის შემოსავალი მხოლოდ 200 ლარია, რის გამოც ისინი მძიმე ყოფაში არიან.
#7 ლელა არის 2 არასრულწლოვანი შვილის დედა. მეუღლემ დაკარგა დამსახური და ამ ეტაპზე უმუშევარია. ოჯახი არის სოციალურად დაუცველი. ცხოვრობენ ქირით. არ აქვთ საკუთარი სახლი.
#8 მარტოხელა დედა სამ არასრულწლოვან შვილთან ერთად გლდანის დასახლებაში დაქირავებულ ფიცრულში ცხოვრობს, არ გააჩნიათ ბუნებრივი აირი, ოჯახი იყენებს პატარა გაზის ბალონს, წყალი კი მეზობლისაგან მოაქვთ. ბავშვებს აქვთ ჯანმრთელობასთან დაკავშირებული პრობლემები.
#9 ელენე და გიორგი ბავშვთა სახლში იზრდებოდნენ. ერთი წლის წინ დაქორწინდნენ და შეეძინათ ბავშვი, რომელსაც ჯანმრთელობის პრობლემები აღმოაჩნდა. ოჯახი არის სოციალურად დაუცველი. არ აქვთ საკუთარი ბინა, დროებით მეზობლის სახლში ცხოვრობენ.
# 10 ნაზი არის მრავალშვილიანი დედა. ჰყავს 4 შვილი, მათ შორის 1 შეზღუდული შესაძლებლობის მქონე, ოჯახში დასაქმებული პირი არავინ არის. ბავშვების მამას აქვს ჯანმრთელობის პრობლემები. არის შრომისუუნარო. ოჯახი სოციალურად დაუცველია და ძირითადად იკვებება უფასო სასადილოში.
Free WordPress Themes, Free Android Games